Kamionët kanë evakuuar civilët nga fshati i fundit në Siri që ende kontrollohet nga grupi Shteti Islamik (ISIS).

Gazetarët në vendin e ngjarjes kanë parë të paktën 15 automjete duke bartu burra, gra dhe fëmijë teksa largohen nga Baghuz, transmeton portali arbresh.info.

Aleanca e mbështetur nga SHBA-të Forcat Demokratike Siriane (SDF), që po rrethon zonën, tha se ende nuk dihet nëse kishte ndonjë luftëtarë të ISIS-it në mesin e pasagjerëve.

Megjithatë, grupi monitorues me bazë në Britani tha se beson që të gjithë civilët dhe militantët që ishin në Baghuz janë larguar.

Observatori Sirian për të Drejtat e Njeriut cituan burimet e tyre duke thënë se militantët janë pajtuar të dorëzohen pas negociatave të tejzgjatura me SDF.

Të martën, OKB shprehu shqetësim në lidhje me fatin e rreth 200 familjeve të raportuara të bllokuara në Baghuz.

Shefja e të drejtave të njeriut, Michelle Bachelet, tha se duket se janë duke u parandaluar në mënyrë aktive të largohen nga IS dhe vazhdojnë t’i nënshtrohen bombardimeve intensive nga SDF dhe forcat e koalicionit të udhëhequr nga SHBA./Arbresh.info/